ឯកឧត្តម ទេព ចាន់អុនវុធីរក្ស ដឹកនាំកិច្ចប្រជុំក្រុមការងារសិក្សាស្រាវជ្រាវស្តីពីគោលការណ៍ គោលនយោបាយរបស់រាជរដ្ឋាភិបាលកម្ពុជា ដែលពាក់ព័ន្ធ និងផលប្រយោជន៍មន្ត្រីរាជការ
នាព្រឹកថ្ងៃចន្ទ ទី១៧ ខែកក្កដា ឆ្នាំ២០២៣ នៅសាលប្រជុំអគារក្រហមស្លាបខាងកើត វិមានព្រឹទ្ធសភា ក្រុមការងារសិក្សាស្រាវជ្រាវស្តីពីគោលការណ៍ គោលនយោបាយរបស់រាជរដ្ឋាភិបាលកម្ពុជា ដែលពាក់ព័ន្ធ និងផលប្រយោជន៍មន្ត្រីរាជការ បានប្រជុំក្រោមអធិបតីភាពឯកឧត្តម ទេព ចាន់អុនវុធីរក្ស ប្រធានក្រុម និងជាអគ្គនាយករដ្ឋបាល និងហិរញ្ញវត្ថុ នៃអគ្គលេខាធិការដ្ឋានព្រឹទ្ធសភា ដើម្បីពិនិត្យ និងពិភាក្សាលើសេចក្តីព្រាងសេចក្តីសម្រេចស្តីពីការកំណត់រចនាសម្ព័ន្ធគ្រប់គ្រង និងមុខតំណែងក្នុងរចនាសម្ព័ន្ធគ្រប់គ្រង នៃអគ្គលេខាធិការដ្ឋានព្រឹទ្ធសភា៕
ប្រភព៖ នាយកដ្ឋានព័ត៌មាន
